GEGURITAN : AKU LAN PAHLAWANKU

Tembung apa

kang bisa njlentrehake jasamu

Tumindak apa kang bisamales jasamu

Ing tengahe jaman kang wis ora karuhan

Ing tengahe kelakuan kang wis ora ketatan

Dina iki sakambane pengorbananmu tak eling

Dina iki ora bakal mung dadi saklebatan

Awakmu kang wis digumuni

Lan awakmu uga kang dibanggakake

Aku ngadek ing ngarep gedung saksi iki

Saksi ilmu kang ora bisa goroh

Ora bakal kaya koruptor

Kang isa

mangan duit rakyat banjur selonjor

Kang tak arep bisa gawe aku kaya awakmu

Bisa dadi surya sanajan kudu ngupaya

Bisa dadi cakra sanajan kudu makarya

Lan bisa dadi tirta kang dibutuhake nara

Aku bakal dadi apa kang tak karepake

Aku bakal kaya apa kang mbok lakokake

Lan aku ora bakal nguciwakake

Kanggo aku, wong tuwaku, lan bangsaku