GEGURITAN : AKU

Aku ya aku

Dudu wong liya

Aku dudu kowe

Kowe dudu aku

Aku nangis, ngguyu, nesu

Kuwi aku

           

Akeh wong padha isin

            Ngakoni awake dhewe

            Kapara seneng duweke wong liya

            Ngasi wani korban apa wae

            Kanggo njupuk duweke liyan

            Aku seneng dadi aku

            Ya aku iki

Aku seneng dadi awakku dhewe

Mangka wong-wong padha seneng niru

Kabeh kang katon apik

Tanpa ngelingi wong liya

           

Apa kuwi kang kolakoni ngger?

            Kanggo uripmu sesuk?

            Dalan kuwi kang arep kok liwati?

            Aja ngger, anakku……aja

            Aja mung ngenut ombyaking  jaman

            Isih ana dalan liya

            Pilihen dalan ciyut nanging agawe tentrem

            Aja milih dalan gedhe

kang ngendhem mawa

            Amarga uripmu bakal rekasa

            Dadiya awakmu dhewe

Tan kudu melu-melu

Dadiya awakmu tanpa rasa wedi

Wedia marang “Kang Wajib Diwedeni”